Mae'r wybodaeth yma'n berthnasol i Gymru, Lloegr, yr Alban a Gogledd Iwerddon

Mae fy nghydweithwyr yn y gwaith yn galw enwau arnai ac yn fy mhoeni am eu bod yn meddwl fy mod yn hoyw. Rwyf wedi siarad â fy rheolwr ond nid ydyw wedi gwneud unrhyw beth ynglyn â'r sefyllfa. Mae'n dweud mai dim ond ychydig o hwyl yw'r cyfan ac na ddylwn gymryd gormod o sylw o'r peth. Beth fedrai wneud?

Mae unrhyw ymddygiad fel hyn yn y gweithle sy'n ypsetio unigolyn, yn gallu bod yn aflonyddu. Mae cyflogwyr yn gyfrifol am ymddygiad eu staff ac mae'r staff eu hun hefyd yn gyfrifol fel unigolion am eu hymddygiad nhw tuag at eu cydweithwyr. Os ydych yn dioddef aflonyddu, efallai fod eich cyflogwr yn gyfrifol oni all ddangos ei b/fod wedi cymryd pob cam posib i atal yr aflonyddu. Mae'n anghyfreithlon gwahaniaethu yn erbyn unrhyw weithiwr oherwydd y credir eu bod yn lesbiaidd, yn hoyw neu'n heterorywiol, waeth a ydynt yn lesbiaidd, yn hoyw neu'n heterorywiol ai peidio.

Gan fod eich rheolwr yn gwrthod cymryd eich pryderon o ddifri, efallai y byddwch chi am godi achwyniad gydag ef/hi. Dylech wneud hyn yn ysgrifenedig, a dylech ei arwyddo a'i ddyddio. Os ydych yn penderfynu hawlio gwahaniaethu gerbron tribiwnlys cyflogaeth, efallai y bydd yn rhaid i chi godi achwyniad ysgrifeneidg cyn i chi wneud hyn.

Os ydych yn credu eich bod wedi dioddef gwahaniaethu oherwydd eich cyfeiriadedd rhywiol, cysylltwch â'r Comisiwn Cydraddoldeb a Hawliau Dynol yn: www.equalityhumanrights.com.

Am fwy o wybodaeth ynglyn â chodi achwyniad ysgrifenedig gyda'ch bos, yng Nghymru, Lloegr a’r Alban gweler Datrys anghydfod yn y gwaith ac yng Ngogledd Iwerddon, gweler, Delio gydag achwyniadau, diswyddo a chamau disgyblu yn y gwaith.

Am fwy o wybodaeth yng Nghymru, Lleogr a’r Alban am wahaniaethu yn y gwaith oherwydd eich cyfeiriadedd rhywiol, gweler Beth fedrai wneud os ydyw fy nghyflogwr yn fy nhrin i'n annheg oherwydd fy nghyfeiriadedd rhywiol, yn y Taflenni ffeithiau ar gyflogaeth.

Am fwy o wybodaeth ynglyn â gwahaniaethu ac aflonyddu yn y gweithle gweler Hawliau Sylfaenol yn y Gwaith.

Cwestiynau cyffredin eraill ynglŷn â gwahaniaethu:

• Beth fedra i ei wneud ynglŷn â gwahaniaethu ar sail rhyw yn y gwaith?
• Beth fedra i ei wneud ynglŷn â chael fy erlid yn y gwaith?
• A yw fy nghyflogwr yn medru fy ngorfodi i ymddeol yn 60?
• A oes rhaid i mi ddweud fy oed wrth gyflogwyr?
• Rwy'n anabl, ydw i'n medru cael help wrth ddefnyddio fy llyfrgell?
• Beth fedra i ei wneud ynglŷn â gwahaniaethu ar sail hil yn y gwaith
• Ydyn nhw'n medru fy nhrin yn annheg yn y gwaith oherwydd fy nghrefydd?
• Oes yna amddiffyniad arbennig yn y gweithle ar gyfer pobl anabl?