Fel arfer, nid yw pobl sy'n dod i'r Deyrnas Unedig i weithio yn medru cael arian cyhoeddus. Mae 'arian cyhoeddus' yn golygu y rhan fwyaf o fudd-daliadau lles a thai'r awdurdod lleol. Efallai y byddwch yn medru cael triniaeth rad ac am ddim ar y GIG ac fe fydd eich plant yn cael mynd i ysgol y wladwriaeth.

Ond, os ydych o wlad yn yr Ardal Economaidd Ewropeaidd (AEE), mae'r rheolau'n wahanol. Mae gan ddinasyddion yr AEE yr hawl i beidio â chael eu trin yn waeth na dinesydd o Brydain. Dyma restr o wledydd yn yr AEE:

Awstria
Gwlad Belg
Bwlgaria
Gweriniaeth Tsiec
Cyprus (y rhan ddeheuol)
Denmarc
Estonia
y Ffindir
Ffrainc (gan gynnwys Giana, Guadeloupe, Martinique a Reunion)
yr Almaen
Groeg
Hwngari
Gwlad yr Ia
Yr Eidal
Latfia
Lithwania
Liechtenstein
Lwcsembwrg
Malta
Yr Iseldiroedd
Norwy
Gwla Pwyl
Portiwgal
Gweriniaeth Iwerddon (Eire)
Romania
Slofacia
Slofenia
Sbaen
Sweden
Y Deyrnas Unedig

Hyd yn oed os ydych yn dod o un o'r gwledydd hyn, ni fyddwch yn cael budd-daliadau'n awtomatig. Er enghraifft, os ydych yn chwilio am waith yn yr AEE ac nid ydych wedi gweithio yn y Deyrnas Unedig, ni fyddwch yn medru hawlio budd-daliadau fel Cymhorthdal Incwm, Lwfans Ceisio Gwaith sy'n seiliedig ar incwm, Budd-dal Plant, Budd-dal Tai neu Fudd-dal Treth Gyngor. Ond os ydych yn weithiwr yn yr AEE sydd wedi cael eich cyflogi yn y Deyrnas Unedig cyn colli eich gwaith, efallai y byddwch yn medru hawlio budd-daliadau tra'n chwilio am waith newydd. Mae hyn yn dibynnu o ba wlad yn yr AEE yr ydych yn dod ac am ba mor hir yr ydych wedi bod yn gweithio yn y Deyrnas Unedig.

Mae'r rheolau ynghylch hawlio budd-daliadau dramor yn gymhleth iawn a dylech gael help cynghorydd profiadol, er enghraifft, mewn canolfan Cyngor ar Bopeth. I chwilio am fanylion eich CAB, gan gynnwys y rheiny sy'n medru rhoi cyngor drwy'r e-bost, cliciwch ar CAB agosaf.

Mae yna ganllawiau defnyddiol i fudd-daliadau yn yr AEE ar wefan yr Adran Gwaith a Phensiynau. Rhowch glic ar www.dwp.gov.uk.

Mae yna wybodaeth ddefnyddiol ar wefan Directgov hefyd ynghylch budd-daliadau penodol os ydych yn dod o dramor. Rhowch glic ar www.direct.gov.uk.

Cwestiynau cyffredin eraill ynglŷn â budd-daliadau:

• Beth yw credydau treth a sut ydw i'n gallu eu cael nhw?
• Dw i newydd golli fy swydd. Pa fudd-daliadau sydd ar gael i mi?
• Rwy'n feichiog ac ar fudd-daliadau. Pa help sydd ar gael i'r babi ac i mi?
• Dwi wedi gadael fy mhartner treisgar. Oes help ar gael i mi?
• Pa help sydd ar gael i fy nghymydog oedrannus, sâl?
• Ydw i’n medru cael help ariannol os ydw i’n mynd yn ôl i’r gwaith?
• Rwy'n cael pensiwn. Ydw i’n medru cael unrhyw fudd-daliadau eraill?
• Ydw i’n medru cael unrhyw fudd-daliadau yn dilyn marwolaeth fy ngwraig?
• A yw fy mabi’n dal i fedru cael y Gronfa Ymddiriedolaeth i Blant?
• Ydw i'n dal i fedru cael fy mudd-daliadau os ydw i'n mynd i fyw dramor?
• Rwy'n rhy sâl i fynd i'r gwaith. Ydw i'n medru cael unrhyw fudd-daliadau?