Mae’r wybodaeth hon yn berthnasol i Loegr, Cymru, yr Alban a Gogledd Iwerddon

Nid oes bellach lwfansau di-doll ar gyfer teithiau o fewn yr Undeb Ewropeaidd (EU). Yn lle, fe allwch chi ddod nôl â swm anghyfyngedig o nwyddau o daith mewn unrhyw wlad yn yr UE, cyhyd â’i fod at eich defnydd personol chi neu fel rhodd. Yn ymarferol os ydych chi dros 17 oed caniateir i chi ddod ag 800 o sigaréts, 10 litr o wirodydd, 90 litr o win a 110 litr o gwrw. Os ydych chi’n dod â mwy na hynny bydd rhaid i chi berswadio’r tollau ei fod at ddefnydd personol. Mae yna lwfansau pellach ar gyfer cynnyrch tybaco eraill a diodydd alcoholig.

Mae yna lwfansau di-doll o hyd ar gyfer teithio o wledydd eraill y tu allan i’r UE sy’n llawer llai.

Os ydych chi dros 17 oed, caniateir i chi ddod â’r canlynol:

• 200 o sigarets, neu 100 sigarilos, neu 50 o sigârau, neu 250g o dybaco;
• 4 litr o win llonydd;
• 2 litr o win pefriog neu 1 litr o wirodydd;
• 16 litr o gwrw; a
• gwerth £390 o nwyddau eraill yn cynnwys persawr a chofroddion.

Caniateir i chi gyfuno alcohol neu gynnyrch tybaco cyhyd â’ch bod yn cadw at y cyfanswm lwfans a ganiateir ar gyfer pob cynnyrch. Er enghraifft, fe allwch chi ddod â 100 o sigarets a 25 o sigarau sy’n 50% o’ch lwfans sigarets a 50% o’ch lwfans sigarau. Allwch chi ddim cyfuno lwfansau alcohol a thybaco.

Os ydych chi’n dod â mwy na hynny, rhaid i chi ddatgan y nwyddau yn y tollau ac efallai y bydd yn rhaid i chi dalu toll. Os na fyddwch chi, yr ydych yn torri’r gyfraith. Gellir cymryd eich nwyddau nad ydynt wedi’u datgan oddi arnoch, efallai y bydd yn rhaid i chi dalu taliadau cosb, ac efallai y cewch chi’ch erlyn.

Mae’r un lwfansau di-doll yn berthnasol i deithiau busnes yn ogystal â gwyliau.

Os ydych chi’n teithio o wlad sy ddim yn yr UE i’r DU, rhaid i chi ddatgan unrhyw arian parod sydd gennych os ydyw’n 10,000 iwros neu fwy (neu’r hyn sy’n cyfateb i hynny mewn arian cyfredol arall). Mae’r rheol hon hefyd yn berthnasol pan fyddwch chi’n teithio i wlad arall sy ddim yn yr UE o’r DU.

Nid oes rhaid i chi ddatgan arian os ydych chi’n teithio o wlad UE arall neu deithio yno.

Am fwy o wybodaeth ynglŷn â pha nwyddau ac arian y gallwch ddod â nhw i mewn i’r DU a gwybodaeth gyffredinol ynglŷn â theithio dramor, gweler Teithio dramor.

Cwestiynau cyffredin eraill am deithio:

• Pan awn ni ar ein gwyliau teulu dramor, sawl pasbort fydd ei angen arnom?
• Oes angen pasbort arnaf pan fydda i’n teithio o fewn y DU?
• Alla i ddefnyddio fy ffôn symudol yn y car?
• Os yw fy nhrên i’n hwyr pa iawndal sydd ar gael i mi?