Mae’r wybodaeth hon yn berthnasol i Loegr, Cymru, yr Alban a Gogledd Iwerddon
Mae’n drosedd i ddefnyddio ffôn symudol llaw wrth yrru. Mae hyn yn cynnwys pan fyddwch chi’n aros wrth oleuadau traffig neu mewn ciw traffig. Fe allwch chi gael dirwy benodol o £60 a thri phwynt cosb ar eich trwydded os ydych chi’n torri’r gyfraith. Yr unig eithriad yw os defnyddiwch chi’r ffôn i ddeialu 999 neu 112 mewn gwir argyfwng lle byddai’n anniogel neu’n anymarferol i stopio.
Fe allwch chi ddefnyddio ffôn symudol heb ddwylo, ond os collwch chi reolaeth o’ch cerbyd wrth ei ddefnyddio, yr ydych hefyd mewn perygl o gael cosb benodol o £60 a thri phwynt cosb.
Os bydd achos yn mynd i’r llys, yn ychwanegol at bwyntiau, fe allech chi wynebu gwaharddiad ar ben uchafswm diryw o £1,000 (£2,500 i yrwyr bysiau, coetsis neu gerbydau nwyddau).
Mae’r rheolau hyn yn berthnasol i yrwyr beiciau modur yn ogystal â gyrwyr cerbydau.
Fe allwch chi ddarganfod mwy am ffonau symudol a gyrru yn: www.thinkroadsafety.gov.uk/advice/mobilephones.htm.
Ymwadiad, hawlfraint a pholisi preifatrwydd, Hawlfraint © Cyngor ar Bopeth. Cedwir pob hawl.
