Mae'r wybodaeth yma'n berthnasol i Gymru, Lloegr a Gogledd Iwerddon
Os ydych yn mynd â nwyddau yn ôl i'r gwerthydd am nad yw eu hansawdd yn foddhaol, am nad ydynt yn iawn at y diben neu nad ydynt yn cydymffurfio â'u disgrifiad, yna nid oes yn rhaid i chi dderbyn nodyn credyd, rydych o fewn eich hawliau cyfreithiol i ofyn am eich harian yn ôl.
Fodd bynnag, os ydych yn derbyn nodyn credyd pan oedd hawl gennych i gael eich harian yn ôl, ni allwch newid eich meddwl yn hwyrach oni allwch brofi eich bod wedi cael eich gorfodi i dderbyn y nodyn credyd gan y gwerthydd.
Os ydych wedi mynd â nwyddau yn ôl i'r gwerthydd am i chi newid eich meddwl ynglyn â nhw, er enghraifft nid oeddech chi'n hoffi'r lliw, yna ni fyddai gennych hawl cyfreithiol i ofyn am eich harian yn ôl. Os ydyw'r gwerthydd yn cynnig nodyn credyd i chi o dan yr amgylchiadau yma, mae'n gwneud mwy nag sy'n ofynnol yn ôl y gyfraith.
Am wybodaeth ynglyn â nodynnau credyd, gweler Prynu nwyddau – eich hawliau.
Ymwadiad, hawlfraint a pholisi preifatrwydd, Hawlfraint © Cyngor ar Bopeth. Cedwir pob hawl.
