Mae’r wybodaeth hon yn berthnasol i Loegr, Cymru, yr Alban a Gogledd Iwerddon

Nid oes rhaid i’ch mam dalu am ei thrwydded i gyd ar un waith. Mae yna ffyrdd o ymestyn y gost dros gyfnod - er enghraifft, talu unwaith y mis neu’n chwarterol. Os ydyw’ch mam yn derbyn budd-daliadau, ar incwm isel neu heb gyfrif banc, fe all wneud cais i dalu’n wythnosol neu bob pythefnos o dan Gynllun Talu Arian Parod.

Os ydyw’ch mam yn 75 oed neu drosodd, fe all gael trwydded deledu am ddim. Am wybodaeth bellach, ffôniwch Drwyddedu Teledu ar: 0300 790 6071.

Gall rhai darparwyr ffôn gynnig cyfraddau rhatach. Er enghraifft, mae gan BT gynllun a elwir yn BT Sylfaenol sy’n cynnig llinell rhent am bris gostyngol a lwfans o alwadau ffôn am ddim i bobol sy’n derbyn y rhan credyd gwarant o Gredyd Pensiwn.

Os ydyw’ch mam yn anabl, efallai y gall gael help gyda’i bil ffôn, Efallai y gall ei hawdurdod lleol neu wasanaethau cymdeithasol helpu gyda chostau gosod llinell ffôn, rhentu’r llinell ffôn neu filiau.

Am fwy o wybodaeth ynglŷn â thrwyddedau teledu, gweler Trwyddedau Teledu.

Am fwy o wybodaeth ynglŷn â gwasanaethau ffôn, gweler Gwasanaethau ffôn.

Am fwy o wybodaeth ynglŷn â budd-daliadau i bobol dros 60, gweler Budd-daliadau i bobol dros chwe deg.

Am fwy o wybodaeth ynglŷn â budd-daliadau sydd ar gael i bobol anabl, gweler Budd-daliadau i bobol sy’n sal neu’n anabl.

Cwestiynau cyffredin eraill ynglŷn â chyfathrebu:

• Sut ydw i'n medru atal galwadau ffôn di-groeso?
• Rydw i am brynu ffôn symudol, ble fedra i ddechrau?
• Mae fy ffôn symudol wedi’i ddwyn, beth fedra i ei wneud?
• Oes angen trwydded teledu arna i yn y Brifysgol?
• Sut fedra i gael gwybod am y newid at deledu digidol?