Rwy'n credu eu bod nhw'n gwahaniaethu yn fy erbyn yn gwaith oherwydd fy mod yn fenyw. Beth fedrai wneud?

Mae'r wybodaeth yma'n berthnasol i Gymru, Lloegr, yr Alban a Gogledd Iwerddon

Mae yna gyfreithiau yn erbyn gwahaniaethu ar sail rhyw i amddiffyn merched a dynion. Mae gwahaniaethu yn medru dod o unrhyw le. Gallai fod yn gydweithiwr, goruchwyliwr yr adran, eich rheolwr neu'ch cyflogwr.

Os ydych yn credu eich bod yn cael eich trin yn llai ffafriol na dyn, y peth cyntaf i'w wneud yw cael gair gyda chydweithwyr eraill i weld a ydyn nhw'n cael eu trin yn yr un ffordd neu a ydynt wedi sylwi eich bod chi'n cael eich trin yn llai ffafriol. Holwch a oes unrhyw un yn fodlon eich cefnogi. Os yn bosib, ceisiwch siarad yn bersonol â'r person sy'n gwahaniaethu yn eich erbyn a gofyn iddynt i stopio neu rhybuddiwch y byddwch yn gwneud cwyn swyddogol.

Os nad yw'r sefyllfa'n gwella, siaradwch â'ch undeb os ydych yn aelod, ac, os oes angen, codwch achwyniad ysgrifenedig gyda'ch cyflogwr. Fe fydd cadw cofnod o ddigwyddiadau, dyddiadau ac amseroedd yr ymddygiad gwahaniaethol yn eich helpu chi os bydd angen gwneud hyn, oherwydd fe ddylai eich achwyniad fod mor fanwl â phosib. Dylech arwyddo a dyddio'r achwyniad, a chadw copi. Mae’n debygol y bydd y person yr ydych yn ei g/chyhuddo yn gwadu'n egniol ac efallai bydd yn rhaid i chi brofi bod y gwahaniaethu ar sail rhyw o ddifrif.

Os na fyddwch yn fodlon wedi'r camau cyntaf yma, y cam olaf, efallai, fydd dwyn honiad o wahaniaethu ar sail rhyw gerbron Tribiwnlys Cyflogaeth. Efallai y bydd angen i chi godi achwyniad ysgrifenedig gyda’ch cyflogwr yn gyntaf. Mae yna derfynau amser llym felly dylech gael cyngor ar gam cynnar.

Os ydych yn credu eich bod wedi dioddef gwahaniaethu oherwydd eich rhyw, cysylltwch â'r Comisiwn Cydraddoldeb a Hawliau Dynol yn: www.equalityhumanrights.com.

Am fwy o wybodaeth ynglyn â gwahaniaethu yn y gwaith,gweler Hawliau sylfaenol yn y gwaith.

Am fwy o wybodaeth am weithdrefnau y mae'n rhaid i chi eu dilyn wrth wneud cwyn am wahaniaethu yn y gwaith, yng Nghymru, Lloegr a’r Alban gweler Datrys anghydfod yn y gwaith ac yng Ngogledd Iwerddon, gweler, Delio gydag achwyniadau, diswyddo a chamau disgyblu yn y gwaith.

Am fwy o wybodaeth ynglyn â diswyddiad annheg oherwydd gwahaniaethu, gweler Diswyddiad.

Am fwy o wybodaeth ynglyn â gwahaniaethu ar sail rhyw, gweler Cymryd camau ynglyn â gwahaniaethu ar sail rhyw.

Bookmark and share

What are these?

Page tools

Cwestiynau cyffredin eraill ynglŷn â hawliau sifil:

• Mae fy nhad wedi bod yn byw dramor ers deng mlynedd ac wedi gofyn i mi a oes hawl ganddo i bleidleisio yn etholiadau'r DU o hyd
• Mae fy mam yn yr ysbyty ac mi fydd hi yno yn ystod yr etholiad. Mae wedi gofyn i mi a ydw i'n medru trefnu pleidlais trwy ddirprwy ar ei chyfer
• Mae fy nghymydog wedi bod mewn cysylltiad â merch ifanc ym Mhortiwgal yr oedd wedi ei chyfarfod ar ei gwyliau. Mae'r ferch am ddod i'r DU fel 'au pair'. Dywedwyd wrthi nad oes angen visa arbennig ar ddinasyddion yr UE. A ydyw Portiwgal yn yr UE?
• Sut ydw i’n cwyno ynghylch y ffordd y mae fy nghyngor lleol wedi trafod fy nghais am Fudd-dal Tai?
• Bydd fy mamgu yn 100 mewn ychydig fisoedd ac rwyf am sicrhau ei bod hi'n cael neges gan y Frenhines. Sut ydw i'n gwneud hyn?
• Rwy'n defnyddio cadair olwyn ac nid yw fy llyfrgell leol yn fy helpu o gwbl i estyn llyfrau o'r silffoedd. Oes yna rywbeth fedrai wneud?
• Rwy'n teimlo eu bod nhw'n fy nhrin yn annheg yn y gwaith oherwydd fy nghrefydd, a ydyw hyn yn gyfreithlon?
• Rwy'n teimlo eu bod nhw'n gwahaniaethu yn fy erbyn oherwydd fy nghrefydd, a ydyw hyn yn gyfreithlon?
• Rwy'n cael fy erlid yn y gwaith am fod fy nghydweithwyr yn credu fy mod yn hoyw. Beth fedrai wneud?