Mae’r wybodaeth hon yn berthnasol i Loegr, Cymru, yr Alban a Gogledd Iwerddon
Os ydych chi’n gweithio i gyflogwr sy’n tynnu treth ac yswiriant gwladol TWE (Talu Wrth Ennill) o’ch cyflog rheolaidd, ac nid oes gennych unrhyw incwm arall, fel arfer nid oes rhaid i chi gwblhau ffurflen dreth.
Bydd angen i chi gwblhau ffurflen dreth Hunan Asesiad os ydych chi’n hunan gyflogedig, yn gyfarwyddwr cwmni, yn bartner mewn busnes neu os oes gennych incwm nad yw’n cael ei drethu yn y ffynhonnell, er enghraifft, incwm rhent.
Gellir dod o hyd i restr gyflawn o bobol sy’n gorfod llenwi ffurflen dreth ar wefan Directgov yn www.direct.gov.uk neu yng Ngogledd Iwerddon ar wefan Nidirect yn www.nidirect.gov.uk.
Os yw Cyllid a Thollau EM (HMRC) yn credu fod gennych incwm sydd angen ei drethu o dan Hunan Asesiad, fe fydd yn anfon ffurflen atoch i’w chwblhau. Sut bynnag, eich cyfrifoldeb chi yw dweud wrth HMRC os ydych chi’n credu fod gennych incwm y dylid ei drethu.
Fe allwch gwblhau ffurflen dreth ar-lein neu ar bapur. Os nad ydych wedi derbyn ffurflen dreth bapur neu rybudd i gwblhau ffurflen ar-lein a chwithau’n credu eich bod yn gorfod cwblhau un, cysylltwch â’ch swyddfa dreth neu linell gymorth Hunan Asesiad HMRC ar 0845 900 0444.
Os ydych chi’n llenwi’ch ffurflen ar bapur, rhaid i chi ei dychwelyd i HMRC heb fod yn hwyrach na 31 Hydref yn dilyn diwedd y flwyddyn dreth.
Os ydych chi’n cwblhau’ch ffurflen dreth ar-lein, rhaid i chi wneud hyn heb fod yn hwyrach na 31 Ionawr yn dilyn diwedd y flwyddyn dreth.
Os nad ydych yn cadw at y dyddiadau terfyn hyn, fe godir tâl cosb arnoch.
Am fwy o wybodaeth ynglŷn â Hunan Asesiad, gweler Hunan Asesiad.
Am fwy o wybodaeth ynglŷn â ffurflenni treth, gweler Ffurflenni treth.
Am fwy o wybodaeth ynglŷn â TWE, gweler System Talu Wrth Ennill (PAYE).
Ymwadiad, hawlfraint a pholisi preifatrwydd, Hawlfraint © Cyngor ar Bopeth. Cedwir pob hawl.
