Eich arian

Eich teulu

Eich byd chi

Eich hawliau chi

Mynnwch gyngor

Plîs, cefnogwch ni

Gwirfoddolwch

Diweddarwyd y safle:

Chwefror 12 af 2012

Mae banc nad ydw i'n delio gydag ef fel arfer wedi cysylltu â mi ynglyn â dyled sy'n ddyledus. Rwy'n amau bod rhywun wedi dwyn fy hunaniaeth. Beth ddylwn i ei wneud?

Mae'r wybodaeth yma'n berthnasol i Gymru, Lloegr, yr Alban a Gogledd Iwerddon

Mae dwyn hunaniaeth yn fath o dwyll ac mae'n digwydd pan fydd rhywun nad ydych yn ei adnabod yn cael gafael ar eich manylion personol ac yn eu defnyddio i geisio am gredyd neu i agor cyfrif yn eich enw chi.

Os ydyw hyn wedi digwydd i chi, yna fel arfer ni fydd yn rhaid i chi dalu am unrhyw arian yr ydych wedi ei golli, os nad oes modd dangos eich bod wedi ymddwyn yn dwyllodrus neu heb gymryd gofal rhesymol, er enghraifft trwy gadw eich rhif adnabod personol gyda'ch cerdyn. Rhaid i chi weithredu ar unwaith:

cysylltwch â'r banc ar unwaith, cadwch gofnod o bob sgwrs a gawsoch gyda nhw a chopïau o unrhyw lythyron a anfonwyd neu a dderbyniwyd
dywedwch wrth yr heddlu gan wneud yn siwr eich bod yn cael cyfeirnod trosedd
holwch yr asiantaethau cyfeirio credyd (manylion isod) os oes unrhyw un wedi gwneud cais am gredyd yn eich enw chi. Os oes ceisiadau wedi bod, gallwch ofyn am dynnu'r wybodaeth allan o'ch ffeil
os ydych yn amau bod rhywun wedi cael gafael ar eich manylion trwy ddwyn eich post, neu wedi gwneud cais twyllodrus i ailgyfeirio post o'ch cyfeiriad chi, dylech gysylltu â Rhif Ymholiad Cwsmeriaid y Post Brenhinol ar: 08457 740740
cysylltwch â CIFAS, Gwasanaeth Atal Twyll y Deyrnas Unedig yn www.cifas.org.uk. Am dâl bach, fe fyddan nhw'n sicrhau bod unrhyw gais am credyd yn eich enw chi yn cael ei wirio'n drwyadl.