Why is this important?

The information we provide differs between countries. To get information for your country, please select from the dropdown.

Gwerthu eich nwyddau

Mae’r wybodaeth hon yn berthnasol i Loegr a Chymru

Gwerthu eich nwyddau

Os oes gennych arian yn ddyledus, mae gan eich credydwr amryfal opsiynau i geisio cael ei arian yn ôl. Un o’r opsiynau hyn yw cael beilïaid i gymryd eich eiddo.

Swydd beili yw cymryd eiddo sy’n berchen i berson sydd ag arian yn ddyledus. Caiff y pethau eu gwerthu a defnyddir yr arian i ad-dalu’r dyledion.

Ni all beilïaid, fel arfer, orfodi ei hun i mewn i’ch cartref. Fodd bynnag, os ydynt wedi cael mynediad i’ch cartref a chymryd rheolaeth gyfreithiol o’ch eiddo, bydd y nwyddau yn cael eu cymryd a’u gwerthu os nad ydych yn gallu dod i drefniant i dalu’r ddyled i gyd neu ychydig ohoni. Bydd yr arian o’r gwerthiant yn cael ei ddefnyddio i dalu costau’r beiliaid a’r ddyled i gyd neu ran ohoni.

Ac eithrio ceir a cherbydau eraill, nid yw’r rhan fwyaf o nwyddau ail-law yn werthfawr ac yn aml ni fydd y ddyled yn cael ei thalu’n llwyr ar ôl eu gwerthu. Mewn sawl achos, ni fydd gwerthu eich nwyddau o fudd sylweddol i’ch credydwr, er mae’n bosib bydd bygwth gwerthu eich nwyddau yn eich sbarduno i dalu.

Mae’r dudalen hon yn esbonio sut caiff y nwyddau eu gwerthu a beth sy’n digwydd wedi hynny gan gynnwys:

Nôl i’r brig


Pa mor fuan bydd y nwyddau yn cael eu gwerthu

Fel arfer bydd o leiaf pum niwrnod cyn y gwerthiant oni bai bod llys wedi gorchymyn fel arall. Yn y mwyafrif o achosion, bydd y nwyddau yn cael eu gwerthu trwy arwerthiant cyhoeddus.

Nôl i’r brig


Beth os ydych yn talu’r ôl-ddyledion cyn y gwerthiant

Os ydych yn talu’r ôl-ddyledion a’r costau eraill yn llawn cyn dyddiad y gwerthiant, ni fydd eich nwyddau yn cael eu gwerthu a bydd angen i chi eu casglu.

Fodd bynnag, mae’n bosib y bydd yn rhaid i chi dalu costau cludiant, costau hysbysebu a ffioedd prisio.

Nôl i’r brig


Pris y nwyddau

Mae’n rhaid i’r beilïaid gael y pris gorau am y nwyddau. Gallwch ofyn am brisiad annibynnol o’r nwyddau. Fodd bynnag, bydd angen i chi dalu costau’r prisiwr sy’n gallu fod yn ddrud iawn.

Mae gan feilïaid brofiad o amcangyfrifo gwerth nwyddau ac fel arfer ni fydd angen prisiad annibynnol arnoch.

Nôl i’r brig


A allwch brynu’r nwyddau yn ôl

Mae gennych chi a’r credydwr yr hawl i brynu’r nwyddau yn yr arwerthiant, ar yr amod eich bod yn talu’r pris gorau posibl amdanynt.

Nôl i’r brig


Beth sy’n digwydd i’r arian a godwyd

Bydd yr arian a godwyd ar ôl gwerthu’r nwyddau yn cael ei ddefnyddio i dalu eich dyled a chostau’r beiliaid. Os oes unrhyw arian yn weddill, mae’n rhaid iddo gael ei roi i chi.

Nôl i’r brig


Beth os nad yw’r gwerthiant yn codi digon o arian

Os nad yw’r gwerthiant yn codi digon o arian i dalu’r ddyled a’r costau i gyd, bydd costau’r beilïaid yn cael eu talu yn gyntaf. Bydd yn dal yn rhaid i chi dalu gweddill y ddyled i’ch credydwr.

Yn gyffredinol, os ydych yn gofyn i’r llys, mae’n rhaid i chi gael dadansoddiad manwl o faint o arian a godwyd ar ôl gwerthu eich nwyddau a sut mae’r arian wedi cael ei ddyrannu.

Os ydych yn anfodlon gyda’r gwerthiant, er enghraifft, os nad ydych yn credu cafodd y beilïaid y pris gorau posibl, mae’n bosib y gallwch gwyno neu gymryd camau yn erbyn y beilïaid.

Os ydych am herio’r swm a godwyd yn yr arwerthiant, mynnwch gyngor arbenigol.

Cewch gyngor gan eich Canolfan Cyngor ar Bopeth leol. I ddod o hyd i’ch CAB agosaf, gan gynnwys y rheiny sy’n rhoi cyngor drwy e-bost, cliciwch ar CAB agosaf.

Os nad yw’r ddyled yn cael ei thalu, gall eich credydwr barhau i gymryd camau i adennill gweddill y ddyled. Gallai’r credydwyr neu’r llys hefyd ystyried dileu gweddill y ddyled. Mae gwerth gofyn iddynt wneud hyn.

Am fwy o wybodaeth am ddelio â dyledion, gweler Help gyda dyled.

Nôl i’r brig


Taliadau Beilïaid

Gall y beiliaid godi tâl arnoch am symud a gwerthu nwyddau, gan gywnnys costau:

  • cludiant
  • hysbysebu’r gwerthiant
  • prisio’r nwyddau, os ydych yn gofyn amdano
  • storio.

Am fwy o wybodaeth am gostau beilïaid, gweler Taliadau Beilïaid.

Nôl i’r brig


Cymorth ychwanegol

Nôl i’r brig


Rate this page Give feedback