Mae'r wybodaeth yma'n berthnasol i Gymru, Lloegr, yr Alban a Gogledd Iwerddon

Mae gennych yr hawl i o leiaf 5.6 wythnos o wyliau'r flwyddyn. Gelwir hyn yn wyliau statudol. Er mwyn cyfrifo sawl diwrnod o wyliau fedrwch chi eu cymryd bob blwyddyn, mae angen i chi luosi 5.6 gyda’r nifer o ddiwrnodau yr ydych yn eu gweithio mewn wythnos.

Cofiwch, nid oes hawl awtomatig gennych i gymryd gwyliau banc a chyhoeddus i ffwrdd o’r gwaith, gyda chyflog neu heb gyflog. Fe fydd hyn yn dibynnu ar eich cytundeb cyflogaeth.

Efallai bod eich cytundeb cyflogaeth yn dweud bod hawl gennych i wyliau statudol neu efallai na fydd yn dweud unrhyw beth am wyliau cytundebol neu wyliau statudol. Yn yr achosion hyn, mae eich cyflogwr yn medru:

• gofyn i chi weithio gwyliau banc neu gyhoeddus, neu
• rhoi gwyliau banc a chyhoeddus i ffwrdd i chi heb eich talu chi amdanynt. Yn yr achos hwn, ni fyddwch yn colli eich hawl i gymryd eich gwyliau statudol llawn ar ryw adeg arall, neu
• roi gwyliau banc a chyhoeddus i ffwrdd i chi a’ch talu amdanynt ond gofyn i chi eu cyfrif tuag at y gwyliau statudol y medrwch eu cymryd, neu
• wneud cyfuniad o’r uchod.

Efallai y bydd eich cytundeb cyflogaeth yn rhoi gwyliau banc neu gyhoeddus i ffwrdd i chi ar ben eich gwyliau statudol. Os yw hyn yn wir, fe fydd eich cytundeb yn nodi hyn ac fe fydd hefyd yn dweud p’un ai y byddwch yn cael eich talu am y diwrnodau hyn. Mae’r sefyllfa’n medru bod yn gymhleth os nad yw’ch cytundeb yn dweud unrhyw beth am wyliau banc a chyhoeddus.

Am fwy o wybodaeth ynghylch cymryd amser i ffwrdd o'r gwaith ar wyliau banc, gweler Faint o wyliau â chyflog y gallwch chi eu cymryd yn Gwyliau a chyflog yn ystod gwyliau.

Am fwy o wybodaeth ynghylch gweithio ar Ddydd Nadolig i weithwyr siop, gweler Hawliau sylfaenol yn y gwaith.

Cwestiynau cyffredin eraill ynglŷn â chyflogaeth:

• A oes hawl gen i i wyliau gyda chyflog?
• Ydw i’n medru cael amser i ffwrdd o'r gwaith os yw fy mhartner yn cael babi?
• A yw fy nghyflogwr yn medru fy ngorfodi i ad-dalu gordaliad cyflog?
• Oes hawl gen i i gyfnod rhybudd cyn i mi gael fy niswyddo?
• Ydy fy nghyflogwr yn medru fy niswyddo am fy mod i'n feichiog?
• Beth fedra i ei wneud ynghylch gwahaniaethu ar sail rhyw yn y gwaith?
• Beth fedra i ei wneud os ydw i’n cael fy erlid yn y gwaith?
• Beth fedra i ei wneud ynghylch gwahaniaethu ar sail hil yn gwaith?
• Oes yna amddiffyniad arbennig i bobl anabl yn y gweithle?
• Ydyn nhw’n cael fy nhrin i’n annheg oherwydd fy nghrefydd?
• Maen nhw’n fy mhoeni ynglŷn â bod yn hoyw. Beth fedra i ei wneud?
• Ydi fy nghyflogwr yn medru fy ngorfodi i ymddeol yn 60?
• Oes rhaid i mi ddweud wrth gyflogwyr faint yw fy oed i?
• Beth fedra i ei wneud ynglŷn â straen yn y gwaith?
• Oes rhaid i mi ddweud wrth gyflogwyr am fy nghofnod troseddol?