Mae'r ty rwy'n ei rhentu yn llaith iawn. Dywedais wrth y landlord ond nid ydyw wedi gwneud dim byd ynglyn â'r broblem. Beth arall fedrai wneud?

Mae'r wybodaeth yma'n berthnasol i Gymru a Lloegr

Fel tenant, mae gennych yr hawl i gael cartref lle mae'r strwythur wedi'i gadw mewn cyflwr rhesymol gan eich landlord. Mae hyn yn cynnwys rhai o'r gosodiadau yn y cartref fel systemau gwresogi a dwr poeth. Yn aml, byddwch yn gyfrifol am atgyweiriadau i addurnwaith fewnol a mân-atgyweiriadau fel sinc sydd wedi'i flocio. Fel arfer mae manylion ynglyn ag atgyweiriadau wedi eu hamlinellu mewn cytundeb tenantiaeth ysgrifenedig sy'n disgrifio cyfrifoldebau'r landlord a'r tenant. Os nad oes gennych gytundeb tenantiaeth gallai'r gyfraith ddal i roi rhai hawliau sylfaenol i chi. Fodd bynnag, dylech wirio eich statws o ran tai cyn cwyno ynglyn ag amodau tai, gan bod rhai landlordiaid yn ceisio troi tenantiaid sydd am ddefnyddio eu hawliau cyfreithiol i atgyweiriadau allan.

Pan fyddwch wedi penderfynu mai'r landlord ddylai wneud yr atgyweirio, mae'n rhaid i chi hysbysu'r landlord ynglyn â'r gwaith atgyweirio sydd angen ei wneud. Dylech ysgrifennu disgrifiad o'r broblem a chasglu tystiolaeth fel ffotograffau, adroddiad gan swyddogion iechyd yr amgylchedd ac adroddiadau meddygol os yw'r cyflwr yn effeithio ar eich iechyd chi neu iechyd rhywun yn eich cartref.

Os yw'r landlord dal heb wneud y gwaith, gallech ystyried cysylltu ag adran Iechyd yr Amlgylchedd eich awdurdod lleol, neu gallech fynd â'r landlord i'r llys. Os yw'ch landlord yn landlord cymdeithasol fel cymdeithas tai neu yn landlord preifat, yna gallai'r awdurdod lleol fod yn medru eu gorfodi i gymryd camau. Os ydych yn denant yr awdurdod lleol ei hun, yna dylech wneud cwyn gan ddefnyddio gweithrefn gwyno'r awdurdod.

Dylech barhau i dalu eich rhent tra'n ceisio cael y gwaith atgyweirio wedi'i wneud gan y gallai eich landlord geisio eich troi allan os oes gennych rhent yn ddyledus.

Am fwy o wybodaeth ynglyn â phroblemau gyda llety sydd wedi'i rhentu, gweler Cael atgyweiriadau wedi eu gwneud tra’n rhentu.
Am fwy o wybodaeth ynglyn â phroblemau cyffredinol gyda thenantiaid sy'n rhentu'n breifat, gweler  Problemau cyffredin wrth rentu.

Bookmark and share

What are these?

Page tools

Cwestiynau Cyffredin ynglyn â Thai:

• Rwyf wedi derbyn cais am feddiant gan y llys sirol am nad ydw i wedi talu fy rhent. Beth fedra i ei wneud?
• Rwy’n berchen ar fy nghartref ond ar ei hôl hi gyda fy nhaliadau morgais. Rydw i wedi clywed am gwmnïau sy’n medru clirio eich dyledion, prynu eich cartref ac yna’i rhentu yn ô i chi, ond dw i eisiau gwybod mwy. Ydych chi’n medru helpu?
• Rhoddais flaendal pan symudais i mewn i fy nghartref sydd wedi'i rhentu. Rwyf bellach wedi symud allan ond nid yw'r landlord yn fodlon dychwelyd y blaendal. Beth fedrai wneud?
• Roedd yn rhaid i mi adael fy nghartref diwethaf a nawr nid oes gen i unrhyw le i fyw. A oes rhaid i'r cyngor lleol fy ailgartrefu i?
• Rwyf wedi bod ar y restr aros am dy cyngor ers cryn amser. Beth fedrai wneud i gyflymu'r broses?
• Rwy'n lesddaliwr ac rwy'n talu tâl gwasanaeth blynyddol. Mae'r rhydd-ddeiliad am gynyddu'r tâl i gwmpasu atgyweiriadau i'r adeilad. Ydw i'n gorfod talu?
• Rwy'n rhentu fy fflat yn breifat ac mae'r landlord am gynyddu'r rhent. Ydyw e'n medru gwneud hyn?
• Rydw i am gymryd morgais i brynu ty. Beth sydd angen i mi wybod?
• Hoffwn i gael mwy o lais yn y ffordd y mae'r bloc o fflatiau yr wyf yn byw ynddo yn cael ei rhedeg. Sut fedrai wneud hyn?
• Mae gen i forgais gwaddol a dw i newydd gael gwybod na fydd digon o arian ar ddiwedd tymor y morgais i dalu am y ty. Beth fedrai wneud?