Os ydych chi’n brwydro’n galed gyda’ch dyledion, peidiwch â digalonni. Gallwch gael help. Gallech gael nifer o wahanol ddewisiadau i ddelio â’ch problemau.
Os nad oes gennych ragor o arian yn weddill yn eich cyllideb, neu fod gennych cyn lleied y bydd yn cymryd sawl blwyddyn i chi ad-dalu’ch dyledion, gallech ddymuno edrych ar fethdaliad fel dewis.
Gall mynd yn fethdalwr gymryd pwysau credydwyr oddi arnoch. Caniateir i chi gadw rhai pethau, megis nwyddau cartref a swm rhesymol i fyw arno. Pan fydd y gorchymyn methdalu drosodd, gallwch gychwyn o’r newydd ac mae’ch dyledion fel arfer yn cael eu dileu. Fodd bynnag, mae anfanteision - byddwch yn colli’ch cartref os ydych yn berchen tŷ. Hefyd mae’n costio arian i fynd yn fethdalwr ac efallai na fyddai gennych ddigon o arian.
Er mwyn cael mwy o wybodaeth am eich amrywiol ddewisiadau a gweld a yw methdaliad yn syniad da i chi, gweler: Help gyda dyled.
Er mwyn cael mwy o wybodaeth am fethdaliad, gweler ein taflen ffeithiau: Methdaliad.
Ymwadiad, hawlfraint a pholisi preifatrwydd, Hawlfraint © Cyngor ar Bopeth. Cedwir pob hawl.
