Chwefror 12 af 2012
Mae’r wybodaeth hon yn berthnasol i Loegr, Cymru a Gogledd Iwerddon
Mae yna reolau ynglŷn â’r oedran y gallwch yrru math arbennig o gerbyd. Er enghraifft, fe allwch chi yrru beic pedal trydan o 14 oed ymlaen, moped o 16 oed a beic modur, car a dosbarthiadau arbennig o fen a lori o 17 oed ymlaen.
Am fwy o wybodaeth ynglŷn â beth y gall person ifanc ei yrru, gweler Trwyddedau gyrru.
Ni chaniateir i chi oruchwylio gyrrwr sy’n dysgu hyd nes y byddwch yn 21 oed, ac wedi cael trwydded yrru llawn eich hunan am o leiaf tair blynedd.
Os ydych chi’n gyrru cerbyd pan fyddwch chi’n 17 oed, rhaid i chi gael yswiriant atebolrwydd trydydd parti, er na allwch chi fynd i gytundeb hyd nes y byddwch chi’n 18 oed.
Caniateir i chi hedfan gleider o 16 oed ymlaen. Fe allwch chi gael trwydded peilot awyrennau preifat o 17 oed ymlaen a thrwydded peilot awyrennau masnachol o 18 oed ymlaen.
Rhaid i bawb sy’n teithio y tu allan i’r Deyrnas Unedig gael ei basbort ei hun (oni bai eich bod o dan 16 oed ac wedi’ch cynnwys ar basbort eich rhiant cyn 5 Hydref 1998).
Rhaid i chi gael caniatâd rhiant i gael pasbort os ydych chi o dan 18 oed, oni bai eich bod yn briod neu’n aelod o’r lluoedd arfog.
Am fwy o wybodaeth ynglŷn â phasbortau, gweler Teithio dramor.
Fel arfer mae’n rhaid i blant o dan ddeuddeg oed, sy’n teithio naill ai yn sedd gefn neu sedd flaen y cerbyd wisgo gwregys diogelwch, neu wregys plentyn. Fel arfer mae’n rhaid i deithwyr sy’n ddeuddeg oed neu drosodd wisgo gwregys diogelwch.
Rhaid i blant o dan ddeuddeg oed wisgo gwregys diogelwch hefyd os ydyn nhw dros ryw daldra arbennig.
Ar gyfer plant o dan 14 oed, mae gyrrwr y cerbyd yn gyfrifol am wneud yn siŵr eu bod yn gwisgo gwregys diogelwch neu wregys lle mae hyn yn ofynnol yn ôl y gyfraith.
Mae pawb dros 14 oed yn gyfrifol am wisgo gwregys diogelwch pan fydd hyn yn ofynnol yn ôl y gyfraith. Nid yw gyrrwr na pherchennog y car yn gyfrifol am deithwyr sydd dros yr oedran hwn.
Am fwy o wybodaeth ynglŷn â gwisgo gwregys diogelwch, ewch i wefan Directgov yn: www.direct.gov.uk/en/Motoring.
Fe allwch chi ddod o hyd i fwy o wybodaeth ynglŷn â hawliau plant a phobol ifanc mewn mannau eraill yn Adviceguide.
Am wybodaeth ynglŷn â hawliau cyffredinol plant a phobol ifanc, gweler Hawliau pobol ifanc.
Am wybodaeth ynglŷn â chyflogaeth, gweler Pobol ifanc a chyflogaeth.
Am wybodaeth ynglŷn â thai, gweler Pobol ifanc a thai.
Am wybodaeth ynglŷn â materion teulu, gweler Pobol ifanc a theulu.
Am wybodaeth ynglŷn ag arian a hawliau, gweler Pobol ifanc - arian a hawliau defnyddwyr.
Am wybodaeth ynglŷn â budd-daliadau, gweler Pobol ifanc a budd-daliadau.
Am wybodaeth ynglŷn ag iechyd a materion personol, gweler Pobol ifanc - iechyd a phersonol.
Am wybodaeth ynglŷn â’r gyfraith a phobol ifanc, gweler Pobol ifanc a’r gyfraith.
Ymwadiad, hawlfraint a pholisi preifatrwydd, Hawlfraint © Cyngor ar Bopeth. Cedwir pob hawl.
