Dw i newydd golli fy swydd. Pa fudd-daliadau sydd ar gael i mi?

Mae'r wybodaeth yma'n berthnasol i Gymru, Lloegr, yr Alban a Gogledd Iwerddon

Fe fydd y budd-daliadau sydd ar gael i chi yn dibynnu ar eich amgylchiadau unigol.

Os ydych yn chwilio am waith, efallai y byddwch yn gymwys i hawlio Lwfans Ceisio Gwaith sy'n seiliedig ar gyfraniadau neu Lwfans Ceisio Gwaith sy'n seiliedig ar incwm. Os oes gennych blant, efallai eich bod yn gymwys i dderbyn Credyd Treth Plant. Os ydych yn sâl neu’n anabl mae’n bosib y byddwch yn medru hawlio Lwfans Cyflogaeth a Chymorth. Os ydych yn rhiant unigol neu'n gynhaliwr, mae’n bosib eich bod yn gymwys i dderbyn Cymhorthdal incwm. Mae’n bosib y cewch gymorth gyda’r rhent a threth y cyngor trwy wneud cais am Fudd-dâl Tai neu Fudd-dâl Treth Gyngor.

Os ydych yn berchen ar eich cartref eich hun neu yn prynu eich cartref eich hun ac yn derbyn Cymhorthdal Incwm, Lwfans Ceisio Gwaith sy'n seiliedig ar incwm, Lwfans Cyflogaeth a Chymorth sy'n gysylltiedig ag incwm neu Gredyd Pensiwn, gallech fod yn gymwys i gael help gyda'ch costau tai, er efallai na fydd hyn ar gael yn syth.

Mae rhai budd-daliadau yn seiliedig ar gyfraniadau. Mae hyn yn golygu bod cyfanswm a math y budd-dâl y byddwch yn ei dderbyn yn dibynnu ar faint a pha fath o gyfraniadau yswiriant gwladol yr oeddech yn eu talu tra'ch bod yn gweithio. Mae budd-daliadau eraill yn ddarostyngedig i brofion moddion. Mae hyn yn golygu y gwneir asesiad o’r incwm, cynilion neu gyfalaf sydd gennych.

Os ydych yn derbyn budd-daliadau, credydau treth neu os ydych ar incwm isel, efallai y byddwch yn medru cael help gyda chostau eraill, er enghraifft, costau presgripsiwn.

Am fwy o wybodaeth ynghylch budd-daliadau pan fyddwch chi’n chwilio am waith, gweler Budd-daliadau i bobl sy'n chwilio am waith.
Am fwy o wybodaeth ynghylch Cymhorthdal Incwm, gweler Help i bobl ar incwm isel – Cymhorthdal Incwm.
Am fwy o wybodaeth ynghylch Credyd Pensiwn, gweler Budd-daliadau i bobl dros chwedeg.
Am fwy o wybodaeth ynghylch budd-daliadau os ydych yn sâl neu'n anabl, gweler Budd-daliadau i bobl sy'n sâl neu'n anabl.
Am fwy o wybodaeth ynghylch Budd-dâl Treth Gyngor yng Nghymru, Lloegr a'r Alban, gweler Help gyda'ch treth gyngor – Budd-dâl Treth Gyngor  neu yng Ngogledd Iwerddon, gweler Help gyda'ch trethi.
Am fwy o wybodaeth ynghylch Budd-dâl Tai yng Nghymru, Lloegr a'r Alban, gweler Help gyda'ch rhent – Budd-dâl Tai neu yng Ngogledd Iwerddon, Help gyda'ch rhent – Budd-dal Tai.
Am fwy o wybodaeth ynghylch Credyd Treth Plant, gweler Budd-daliadau ar gyfer teuluoedd a phlant.

Bookmark and share

What are these?

Page tools

Cwestiynau cyffredin eraill ynglŷn â budd-daliadau:

• Beth yw credydau treth a sut ydw i'n gallu eu cael nhw?
• Rwy'n feichiog ac ar fudd-daliadau. Pa help sydd ar gael i'r babi ac i mi?
• Dwi newydd adael fy nghartref a phob peth sydd gen i er mwyn dianc rhag fy mhartner treisgar. Oes unrhyw help ariannol ar gael i mi?
• Mae fy nghymydog newydd ddod allan o'r ysbyty. Mae wedi ymddeol ac yn ei chael hi'n anodd ymdopi. Oes unrhyw help ar gael iddo?
• Rwy'n derbyn Cymhorthdal Incwm ac eisiau mynd yn ôl i weithio, ond rwy'n poeni sut fyddai’n medru cael dau ben llinyn ynghyd os ddaw fy mudd-daliadau i ben. Ydw i’n medru cael unrhyw help ychwanegol tuag at gostau byw?
• Rwy'n cael pensiwn ac wedi clywed bod posibilrwydd y gallwn hawlio budd-daliadau. Ble alla i gael mwy o wybodaeth?
• Mae fy ngwraig wedi marw'n ddiweddar. Mae gen i dri o blant ac rydw i wedi gorfod rhoi'r gorau i 'ngwaith. Oes unrhyw fudd-daliadau ar gael?
• Dw i newydd gael babi ac wedi clywed bod y Cronfeydd Ymddiriedolaeth i Blant wedi dod i ben. Ydw i’n dal i fedru ei chael? Sut ydw i'n hawlio?
• Ydw i'n medru parhau i gael fy mudd-daliadau os ydw i'n mynd i fyw dramor?
• Pa fudd-daliadau sydd ar gael i weithwyr os ydynt yn dod i'r Deyrnas Unedig o dramor?
• Rwy'n rhy sâl i fynd i'r gwaith. Ydw i'n medru cael unrhyw fudd-daliadau?